[zawgyi]
body lotion အများစုကို အသားအရေနူးညံ့စိုပြေဖို့အတွက် သုံးလေ့ရှိကြပါတယ်။ သို့သော် အသားအရေအမျိုးအစားပေါ်လိုက်ပြီး သုံးသင့်တဲ့ လိုးရှင်းတွေ မတူကြဘူး။ ခြောက်သွေ့တဲ့အသားအရေပိုင်ရှင်တယောက်ဟာ အစိုဓာတ်အခြေခံတဲ့ extra moisturizing lotion အမျိုးအစားကို ရွေးချယ်အသုံးပြုသင့်တယ်။ အဆီပြန်တဲ့အသားအရေမှာတော့ အရည်မပျစ်တဲ့ လိမ်းဆေးမျိုးရွေးလိမ်းရမယ်။ လိမ်းဆေးထဲမှာ ဖယောင်းဆီနဲ့ mineral oils မပါဝင်စေသင့်ဘူး။ oil free moisturizer ကိုသာ ရွေးချယ်သုံးသင့်တယ်။ sensitive skin အတွက် lotion ရွေးချယ်မယ်ဆိုရင် hypoallergic လို့ ရေးထားတဲ့ဆေးတွေကိုသာ ရွေးချယ်သင့်တယ်။ ဒီလိုပစ္စည်းမျိုးမှာ ဓာတ်မတဲ့တာဖြစ်စေတဲ့ ဆိုးဆေး၊ ရနံ့နဲ့ ကြာရှည်ခံပစ္စည်းတွေ ပါဝင်လေ့မရှိလို့ပါ။ မသေချာရင် လိုးရှင်း ပမာဏအနည်းငယ်ယူပြီး စမ်းသပ်ကြည့်ပါ။ ယားယံတာ၊နီရဲလာတာ မရှိရင် တည့်တယ်လို့ သိနိုင်တယ်။ အသက် (၄၀)ကျော်တွေမှာတော့ anti- wrinkle, anti-aging ရေးထားတဲ့ lotion တွေကို ရွေးချယ်သုံးသင့်တယ်။
ingredient ပါဝင်ပစ္စည်းတွေကို ရသလောက် ဖတ်သင့်တယ်။ အရေပြား ကြမ်းတမ်းစေတဲ့ ammonia ပါဝင်တာတွေ မသုံးသင့်သလို ကြာရှည်ခံအောင် သုံးစွဲရတဲ့ paraben ပစ္စည်းပါတာတွေလည်း တတ်နိုင်သမျှ ရှောင်သင့်တယ်။ FD&C dye ဆိုးဆေးပါတာတွေ မသုံးသင့်ဘူး။ သန့်စင်ကြည်လင်နေတဲ့ လိုးရှင်းအရည်ကိုပဲ သုံးသင့်တယ်။
မဝယ်ခင် အရင်စမ်းသပ်ကြည့်ပါ
လိုးရှင်းမလူးခင် လက်ခုံပေါ်ကို အရင်ဆုံးစမ်းသပ်သင့်တယ်။ သုံးတဲ့ဆေးဟာ လိမ်းပြီးတာနဲ့ စုပ်ယူမှုအားကောင်းရမယ်။ အရေပြားမှာ ကျိချွဲချွဲ ဖြစ်မနေသင့်ဘူး။ နောက်တချက်က စျေးကြီးလေ ပိုကောင်းလေလေလို့ ထင်တာလည်း မှားပါတယ်။ တချ်ု့ စျေးကြီးပေမယ့် ကိုယ်နဲ့ မတဲ့ဘူး။ အလှကုန်ပစ္စည်းမှန်သမျှ မိမိအသားအရေနောက်ကိုပဲ လိုက်သင့်တယ်။ စျေးရောင်းသူပြောတဲ့ နောက် မလိုက်မိစေနဲ့။ သူများနဲ့ တဲ့နေပေမယ့် ကိုယ်နဲ့ တည့်ချင်မှ တည့်မယ်ဆိုတာ အမြဲသတိပြုပါ။ စျေးနှုန်းတခုဟာ ကိုယ်နဲ့ကိုက်ညီမှု ရှိ၊မရှိဆိုတာနဲ့ လုံးဝသက်ဆိုင်ခြင်းမရှိပါဘူး။ အကောင်းဆုံးလိုးရှင်း
ဆိုတာ အစိုဓာတ်ထိန်းပြီး ဘေးထွက်မရှိတဲ့ လိုးရှင်းမျိုးကိုခေါ်ပါတယ်။ နည်းနည်းစမ်းကြည့်လို့ အရေပြားအတွက်လည်း ကောင်းမယ်၊ ရနံ့လည်း ကြိုက်မယ်ဆိုရင် ဝယ်ကြည့်လိုက်ပါ။ မိမိနဲ့ အသင့်တော်ဆုံးဖြစ်ဖို့ များပါတယ်။
ဒေါက်တာ အေးမင်းထူး
၁၉.၅.၁၇
