အမျိုးသမီးတိုင်း လစဉ်ရာသီသွေးပေါ်လေ့ရှိပါတယ်။ ရာသီသွေးပေါ်ခြင်းဟာ သားအိမ်နံရံအတွင်းမှာရှိတဲ့အလွှာပါး ကွာကျလာခြင်းကြောင့် ဖြစ်ပါတယ်။ တကယ်တော့ ဟော်မုန်းတန်ခိုးပါပဲ။ရာသီသွေးဆင်းဖို့ သားအိမ်က ညှစ်ပေးရတယ်။ အဲလိုဖြစ်ဖို့ မဟော်မုန်းတွေက လုပ်ဆောင်ပေးရတယ်။အပျိုဖော်ဝင်ပြီး အမျိုးသမီးတွေရဲ့ ရာသီနဲ့ပက်သတ်တဲ့ရောဂါတွေ ခံစားရလေ့ရှိတယ်။ ရာသီမလာခင် ခံစားရတဲ့လက္ခဏာတွေကို premenstrual syndromes(PMS) လို့ခေါ်ပါတယ်။ အမျိုးသမီး ၄၀% မှာ ဒီလက္ခဏာတွေ တွေ့ရတယ်။တခါဖြစ်ရင် ၄-၅ရက် ခန့်ကြာတယ်။ လက္ခဏာတွေက-
(၁)ရင်သားတင်းခြင်း
(၂)ရင်ပြည့်ရင်ကယ်ဖြစ်ခြင်း
(၃)အစာအိမ်နာခြင်း
(၄)စိတ်ဂဏှာမငြိမ်ဖြစ်ခြင်း
(၅)မောပန်းနုံးချိခြင်း
(၆)ဝက်ခြံထွက်ခြင်း
စတာတွေ ဖြစ်ပါတယ်။
အမျိူးသမီးတွေရဲ့ ထက်ဝက်ခန့်ဟာ ရာသီမလာခင် ဗိုက်နာတာမျိုးရှိတတ်ပါတယ်။ ဆေးပညာလို dysmenorrhea လို့ ခေါ်တယ်။ prostagladin ရဲ့ အာနိသင်ကြောင့်ဖြစ်ရတာပါ။ ဗိုက်နာတဲ့အခါ ဝမ်းဗိုက်အောက်ပိုင်း ဆီးစပ်(သို့)ခါးနေရာက နာတယ်။ အများစုဟာ ရာသီမလာခင် ၁-၂ရက်လောက်စောပြီး နာတတ်တယ်။ တခါနာရင် ၃-၄ရက်လောက် ကြာတယ်။ ကံဆိုးတဲ့ အမျိုးသမီး(၁၀%)ကတော့ အိပ်ရာထဲက မထနိုင်အောင် ပြင်းပြင်းထန်ထန် နာကျင်လေ့ရှိတယ်။
ဗိုက်နာရင် ဘာလုပ်မလဲ
• ဝမ်းဗိုက်အောက်ပိုင်း(သို့)ခါးမှာ ရေနွေးအိတ်ကပ်ပါ။
• ဗိုကိကို ညင်သာစွာ နှိပ်ပေးနိုင်တယ်။ရေနွေးနဲ့ ရေချိုးနိုင်တယ်။
• အိပ်နေစဉ်ခြေထောက်ကို မြှင့်ထားပါ။
• ယောဂ(သို့)အပေါ့စားလေ့ကျင့်ခန်းတခုခုလုပ်ပါ။
• ပျော့တဲ့အစားအသောက်၊စွပ်ပြုတ် သောက်ပေးသင့်တယ်။
• ဗီတာမင်အီး အားဖြည့်ဆေးသောက်ပါ။
• vitamin B6, vitamin B1, calcium နဲ့ magnesium ပါတာတဲ့အားဆေးတွေက အကျိုးရှိတယ်။
• အိုမီဂါသရီး၊ ဆည်းဆာခင်းနှင်းဆီ(EPO)ပါတဲ့ဆေးတွေက ရာသီကိုင်လက္ခဏာကို သက်သာစေတယ်။
• နီတဲ့အသား၊ အချို၊အငန်၊ အရက်၊ဆေးလိပ်၊ဘီယာ၊ဝိုင်စတာတွေ ရှောင်ပါ။
ဘယ်ဆေးတွေသောက်မလဲ
• Mefenamic acid ပါတဲ့ဆေးတွေက အသုံးများဆုံးပဲ။ dolfenal လို့ပြောရင် လူပိုသိမယ်။ 250-500mg တနေ့ တစ်ကြိမ်-သုံးကြိမ်သောက်ပါ။
• ရာသီများရင် tranexamic acid ပါတာမျိုး သောက်သင့်တယ်။ တနေ့ ၂-၃ကြိမ်သောက်နိုင်တယ်။ ဆေးသောက်ပြီးရာသီသွေးနည်းသွားတတ်တယ်။
• Gofen(ibuprofen) အကိုက်ခဲပျောက်ဆေးကို တနေ့သုံးကြိမ်သောက်နိုင်တယ်။
• ဗိုက်အရမ်းနာရင် meftalspas သောက်ဆေးကတော့ အကောင်းဆုံးပဲ။ တနေ့သုံးကြိမ်သောက်ပါ။
• ဆည်းဆာခင်းနှင်းဆီ(EPO) နဲ့ vitamin E အားဆေးတွေဟာ ရာသီကိုင်လက္ခဏာတွေကို လျှော့ပါးသက်သာစေတယ်။ ရာသီမပေါ်ခင် ၄-၅ ရက်ခန့် ကြိုသောက်ထားဖို့ လိုပါတယ်။
ဒေါက်တာ အေးမင်းထူး
၂၇.၈.၁၇
